للبعض تجارب قاموا بها خلال عمليات التخسيس، لذا نسرد لكم تلك القصة من واقع التجربة
في هذا المقال:
بداية أنا كنت بتعالج بالكورتيزون من فترة طويلة والكورتيزون طبعا عملي احتباس في المية في
جسمي وعملي مشاكل تانية خشونة في الركبتين وتعبلي معدتي ومضاعفات تانية كل ده وأنا في
بداية العشرينات خاصة وإني كنت باخده لسنين.
ورحت لداكترة عظام كتير بسبب الخشونة ده غير كنت بعذب حرفيًا مش قادرة اتحرك أو
أمشي أو اطلع السلم والدنيا بقت سودة في وشي وكل ما أروح لدكتور يقولي لااااازم
تخسي عشان الوزن الزائد بيأثر على الركب والخشونة وأنا في الفترة دي كنت مدمرة نفسيًا
ومش قادرة أبدأ دايت وأخس وأدخل
في حرمان ما كنتش مؤهلة نفسيًا وسبت نفسي ، وبدأت ألخبط في الأكل وتخنت أكتر
وفجأة لقيت نفسي واحدة تانية كأني كبرت 20 سنة فوق عمري مش عارفة أتحرك ولا
أعيش حياتي زي كل اللي في سني مش عارفة أحقق حاجة، ولا أشتغل ومن هنا
قررت إني لازم أخس وفي نفس الوقت بدون حرمان ..
بحثت كتير في أنظمة الدايت كلها كانت بتحبطني لغاية ما توصلت للنظام سهل ومضمون هو
إتباع السنة زي ما الرسول عليه أفضل الصلاة والسلام قال: ثلث لطعامك وثلث لشرابك وثلث
لنفسك.
وبالفعل بدأت أفكر وسألت نفسي هو أيه اللي بيخلي الواحد يتخن يإما حتباس ماء في
الجسم أو دهون.
وبدأت اخفف الملح خاااالص من أكلي ومنعت المخللات نهائيًا لانها بتحبس الميه في الجسم بشكل
رهيب وبدأت أشرب المشروبات اللي بتعمل على إدرار البول واللي بتنزل الاملاح والمية الزايدة من
الجسم: زي الشعير واليانسون والشاي الأخضر والبقدونس والمشروبات الحارقة طبعا وأثرها السحري الزنجبيل والقرفة.
وفعلا من أقل من أسبوعين حسيت بفرق ومن أول اتيني كيلو خسيتهم الناس بدأت تقولي
انتي شاكل خاسس وفضلت مكلملة.
ده بالنسبة لعلاج احتباس المية أما بالنسبة لنطام الأكل والتخلص من الدهون فبدأت أقلل من
وجبتي أكل تلت معدة وأحط على الأكل بهارات وشطة وأكل خضار وفاكهة وخففت الحلويات على
قدر المستطاع.
النظام ده اسمه نظام اللقيمات ما فهيوش حرمان بالعكس ده الأكل الموجود العادي بس بنقلل
الكمية وبنقلل الدهون والملح إلى جانب شرب الماء الكتيير على مدار اليوم ومع شوية مشي
أو رياضة ومستحيل ماحدش يخس على النظام ده وناس كتير خسيت عليه بالفعل، أنا كنت
85 وأكثر ووصلت
ل 72 ك ولسه مكملة بإذن الله لغاية ماوصل للوزن المثالي وفرحت خالص أما خسيت
وحسيت بفرق شاسع وحسيت إني خفيفة وهدومي وسعت عليا ولما تخسي هتحسي كده إنك عملتي
نيولوك وبقيتي واحدة تانية وكإنك عملتي ريفرش كده
وقلت لازم اشجع الناس اللي مكسلة تخس أو بتحب الأكل ومش عاوزه تخس السمنة مضرررة
جدًا والواحد لو ساب نفسه هيلاقي نفسه وصل لمرحلة صعبة مينفعش فيها إلا العمليات لاقدر
الله والعمليات مش مضمونه كمان عشان كده لااااااااازم نشجع بعض ونخس
تجاربي في التخسيس
