العشا هو احد الوجبات الرئيسيه اليوميه وعند ناس كتير العشا ده اهم وجبه
بس لازم فى نفس الوقت تكون وجبه خفيفه وعشان كده ممكن تكون بيض
وجبنه ولانشون وفينو وعند ناس تانيه ممكن يكون بقسماط ولبن ولكن فى
ناس بتحب تفنن فى الاكل عشان الملل وممكن نعمل وجبه خفيفه ومكوناتها
عباره عن تلات بيضات وربع معلقه صغيره ملح وربع معلقه صغيره فلفل اسمر
ومعاها كمون وفصين توم مفرومين ومعلقه زيت دره وحبايه كبيره فلفل اخضر
وكمان اتنين حباية طماطم مقشره ومقطعه مكعبات وشطه حسب الرغبه وبعدين
نحط الزيت على نار هاديه لحد مايسخن نحط عليه التوم ونشوحها شويه وبعدين
نحط الفلفل الاخضر لحد مايدبل شويه وبعدين نحط الطماطم ونسيب المكونات على
النار لحد مايتسبك والزيت يكون على الوش نكسر البيض ونحط عليه التوابل ونضربه
شويه فى طبق وبعد كده نحطه على التسبيكه على النار لحد البيض مايستوى
وجبات سريعة التحضير للعشاء , اكل سريع قبل النوم
وجبه سريعه التحضير للعشاء
- أكل سريع التحضير في البيت
- حلويات بالغردقه
- عشاء سريع
- عشيات خفيفه وسريعه