نشاراك العريان هو دة ايه بقي انا كنت زيك كده مش عارفة دة ايه بس
عرفت انه نوع من انواع الحلويات المعروفة والمشهورة جدا في الجزاير
طب عريان ليه عشان في نوع تانى من التشاراك بتكون ملبس يعنى
نوع لابس ونوع عريان سهله اهى مكوناتها بقي 3 كوبايات فرينة اللى
هى دقيق يعنى كوباية سمنه سايحة عليها حبة زيت صغيرين نص كوباية
لبن وكوباية الا ربع سكر ناعم نص معلقة خميرة وقليل من ماية الورد
للحشو بقي لوز مطحون وبيسموه لوز مرحي وسكر وماية ورد ومعلقة
سمنة سايحة وفانيليا وللتزيين صفارة بيضة ولوز مطحون بس خشن ها
نجيب بولة كبيرة هانحط فيها الدقيق والخميرة والسكر وقلبي كويس
بعدها حطى السمنه بس اوعى تكون سخنة وقلبي بعدها ضيفي اللبن
وماء الورد بالتدريج لحد ماتكون عجينة متماسكة حلوة كده غطيها بكيس
بلاستك لو معندكيش استرتش وسيبيها 3 ساعات ترتاح حضري الحشو
انك تحطى كل المكونات على بعض وتحطى ماية الورد بالتدريج لحد
ماتبقي عجينة من اللوز وبعدين افردى العجينة على الرخامة بس رشيها
دقيق الاول وقطعى العجينة مثلثات كبيرة حوالى 15 سنتيمتر خدى جزء
من عجينة اللوز واعمليها شبه الكفتة كدة وحطيها على قاعدة المثلث
ولفي العجينة عليها هاتبقي شبه الكرواسون كده لما تتنيها زى الهلال
بعدها ادهنيها صفار بيض ورشي لوز خشن ودخليها الفرن لحد ماتحمر
تشاراك العريان حورية المطبخ ,طب ليه عريان
تشاراك عريان حوريات المطابخ
- تشاراك العريان حورية المطبخ
- صور تشاراك
