الفته من الاكلات المشهوره فى كل بلاد العالم والفته تقليد مرتبط بعيد الاضحى
وكل بلد وليها طريقتها فى عمايل الفته يعنى مثلا الفته المصري بالخل والتوم
بتكون ان احنا بنسلق كميه من اللحمه ونحمص كميه من العيش على حسب
الافراد اللى هتاكل يعنى لكل شخص رغيف عيش ونحمص العيش ونخليه
ناشف وبعدين نكسره قطع صغيره ونعمل لكل زغيف عيش تمن كيلو رز نحط
العيش فى صينيه ونسقيه بشوربة اللحمه المسلوقه وبعدين نحط عليها الرز
ونعمل الصلصه بتاعتها بكميه من عصير الطماطم الطازج وراس توم مقشره
ومهروسه او مدقوقه مه الملح والشطه نجيب معلقة سمنه ونشوح فيها التوم
على نار هاديه عشان ميتحرقش ونضع عليه ربع كوبايه خل ابيض ونسيبهم
يغلوا لحد الخل مايقل وبعد نحط عليهم الطماطم ونسيبهم يتسبكوا شويه و
نحط الصلصله على العيش والرز ونحط قطع اللحم عليهم وتقدم ساخنه